O‘zbekiston Prezidenti Namanganda bo‘lib o‘tgan va olti soat davom etgan xalq deputatlari Namangan viloyati kengashining navbatdan tashqari sessiyasiga shunday ta’rif berdi. Bu haqda “Daryo” muxbiri Azizbek Abduvaliyev ma’lum qildi.
“Nega shuncha vaqt sarflab sizlarni ham, o‘zimni ham qiynayapman? Bu majlis emas, master-klass. Respublikada ishlar ko‘p, Namanganda esa haddan ziyod ko‘p. Pul bermaydigan vazirlar ham bu yerga yuborganimdan keyin ‘Rejalaganimizdan ko‘ra ko‘proq mablag‘ ajratishimiz kerak ekan’ deyishdi”, — dedi Prezident.
Davlat rahbariga ko‘ra, mamlakatda 27 yil davomida kuz-qishga tayyorgarlik bilan jiddiy shug‘ullanilmagan. Shuning uchun ham bugungi vaziyat yuzaga kelgan.
“Ijtimoiy tarmoqlarda ko‘p chiqishlar bo‘ldi. 3-4 yilda bu sohada birdaniga o‘zgarish qilish qiyin. Suv, gaz, yo‘l bilan prezident shug‘ullanishi g‘ayritabiiy tuyulishi mumkin, lekin muammolarni hal etishni yillab cho‘zib o‘tirolmaymiz. Bugun yoki hech qachon”, — dedi davlat rahbari.
Mavzuga doir:
- Namanganda xalq deputatlari viloyat kengashining navbatdan tashqari sessiyasi boshlandi
- Shavkat Mirziyoyev: “Namanganga o‘ttiz yillik tarixda buncha mablag‘ kelmagan”
- O‘ydim-chuqur ko‘chadan yurgan Prezident korteji, 22 yoshli MFY raisi, inglizcha gaplashadigan hokim – Namanganga tashrifdan reportaj (foto)
Izoh (0)