Futbol bo‘yicha Ispaniya chempionatining 2-turidan o‘rin olgan “Levante” va “Atletiko Madrid” klublari o‘rtasidagi qoldirilgan bahs 17-fevral, chorshanba kuni bo‘lib o‘tdi.
Uchrashuvda kuchlar teng keldi. Dastlab bellashuvning 17-daqiqasida mezbon jamoa futbolchisi Enis Bardi hisobni ochgan bo‘lsa, 34-daqiqada Markos Lyorente hisobni tenglashtirdi. O‘yinning qolgan vaqtida darvozalarga to‘p kiritilmadi.
Shunday qilib, Diyego Simeone shogirdlari 22 ta uchrashuvda 55 ochko jamg‘argan holda yaqqol peshqadam bo‘lib turibdi. Jamoa zaxirasida yana bir uchrashuv bor. Peshqadamdan ochko tortib olishga muvaffaq bo‘lgan “Levante” 28 ochko bilan 11-o‘rinda bormoqda.
La Liganing o‘tgan 23-turidan so‘ng musobaqa jadvali quyidagicha ko‘rinish oldi:
La Liga
2-tur qoldirilgan o‘yini
17-fevral, chorshanba
“Levante”—“Atletiko Madrid” 1:1
Gollar: 1:0 – 17 Bardi, 1:1 – 37 Lyorente.“Levante”: Fernandes, Klerk, Miramon, Postigo, Rober, Malsa, Bardi (Rochina, 86), Radoya (Duarte, 46), De Frutos (Son, 82), Roxer Marti (Vezu, 82), Morales (Dani Gomes, 70).
“Atletiko”: Oblak, Savich, Ermoso, Vrsalko (Kondogbia, 46), Ximenes, Koke (Torreyra, 81), Lyorente, Karrasko (Joau Feliks, 66), Saul, Korrea (Vitolo, 81), Suares.
Ogohlantirishlar: Saul (26), Savich (42), De Frutos (45), Kondogbia (51).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)