Futbol bo‘yicha Germaniya Bundesligasining 21-turidan o‘rin olgan so‘nggi uchrashuv “Bavariya” va “Arminiya” jamoalari o‘rtasida 15-fevral, dushanba kuni o‘tkazildi.
Murosasiz kechgan uchrashuvda kuchlar teng keldi. Dastlab mehmon jamoa a’zosi Mixel Vlap 9-daqiqada jamoasini oldinga olib chiqdi. 37-daqiqada Amos Piper hisobni oshirdi.
Ikkinchi bo‘limning dastlabki daqiqalarida Robert Levandovski hisobni qisqartirgan bo‘lsa, oradan bir daqiqa o‘tib Kristian Gebauer “Arminiya”ning 3-golini urdi. Muvozanatni tiklagan gollar 57 va 69-daqiqalarda Koranten Tolisso hamda Alfonso Devis tomonidan kiritildi.
Shu tariqa Hans-Diter Flik boshchiligidagi Myunxen klubi 21 turda 49 ochko to‘plagan holda yaqqol peshqadam bo‘lib turibdi. “Arminiya” o‘zining 18 ochkosi bilan 16-o‘rinda qoldi.
21-turdan so‘ng musobaqa jadvali quyidagi ko‘rinishga keldi:
Bundesliga
21-tur bahsi
15-fevral, dushanba
“Bavariya”—“Arminiya” 3:3
Gollar: 0:1 – 9 Vlap, 0:2 – 37 Piper, 1:2 – 48 Levandovski, 1:3 – 49 Gebauer, 2:3 – 57 Tolisso, 3:3 – 69 Devis.“Bavariya”: Noyer, Sarr (Kimmix, 58), Zyule, Lyuka Ernandes, Devis, Alaba, Tolisso, Shupo-Moting, Levandovski, Koman, Sane.
“Arminiya”: Ortega, Bryunner, Nilsson, Piper, Barrett-Laursen, Pritl, Doan (Gebauer, 41), Vlap (Kordova, 62), Kunse, Foglzammer (Zoyfert, 62), Klos (van der Xorn, 89).
Ogohlantirishlar: Tolisso (78), Kunse (80).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)