“Real” bosh murabbiyi Zinedin Zidan La Liga 23-turi doirasida 14-fevral kuni “Valensiya”ga qarshi kechgan bahsdan (2:0) keyin o‘z fikrlari bilan o‘rtoqlashdi.
Jarohatlar ko‘p, men xavotirdaman. Nimaga bunday bo‘layotganini tushunmayapman. Karvaxal jarohatini qaytalab oldi, juda afsusdaman. Xavotirdaman, chunki u biz uchun juda muhim o‘yinchi. Jarohatlarga nima sabab bo‘layotganini bilmayman. Umid qilamanki, Danining jarohati jiddiy emas. Ko‘ramiz, u qancha muddatga safdan chiqqan ekan.“Real” 49 ochko bilan ikkinchi o‘rinda bormoqda. “Qaymoqranglilar” ikkita zaxira o‘yiniga ega “Atletiko”dan 5 ochko ortda qolmoqda, bitta o‘yin kam o‘tkazgan “Barselona”dan esa uch ochko oldinda.Biz o‘z o‘yinimizni ko‘rsatishda davom etamiz va boshqalarga qaramaymiz. Himoyadagi o‘sish ko‘rinib turibdi, chunki yigitlar nima qilayotganiga ishonmoqda. Oldinda hali 45 ochkolik o‘yinlar bor, nima bo‘lishini ko‘ramiz.
Zinedin Zidan, “Real” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)