Bugun,

  • USD 11095.31
  • RUB 173.84
  • EUR 10772.44

Namanganda 2020-yil davomida sudlarga kiritilgan 473 million so‘mlik 8 ta da’vo arizasining barchasi tadbirkorlar foydasiga hal etilgan. Bu haqda O‘zbekiston biznes-ombudsmanining viloyatdagi vakillari ishtirokida o‘tkazilgan matbuot anjumanida ma’lum qilindi, deya xabar beradi “Daryo” muxbiri Azizbek Abduvaliyev.

Foto: “Daryo”

Foto: “Daryo”

Biznes-ombudsmanning viloyatdagi xodimlari tomonidan tadbirkorlardan 2020-yili kelib tushgan 216 ta murojaatdan 171 tasi ko‘rib chiqilgan bo‘lib, ulardan 115 tasi yoki 67 foizi ijobiy hal etilgan.

Murojaatlar asosan bank-kredit, yer ajratish, kompensatsiya va mahalliy hokimiyat organlari xatti-harakatlari, shartnomaviy munosabatlar, ruxsatnoma va litsenziya, soliq masalalari va sud qarorlari ijrosi yuzasidan bo‘lgan.

Ularning aksariyati Namangan shahri, Pop, Chust va Chortoq tumanlariga to‘g‘ri kelgan.

Foto: “Daryo”

Foto: “Daryo”

Kelib tushgan murojaatlar, o‘tkazilgan tekshirish va tahlillar asosida tadbirkorlarning huquqlari va qonuniy manfaatlarini himoya qilish yuzasidan 8 ta da’vo arizasi, 21 ta taqdimnoma, 2 ta xulosa, 7 ta ogohnoma va 71 ta ma’muriy huquqbuzarlik haqidagi bayonnoma, jami 109 ta ta’sir chorasi qo‘llanilgan.

— Davlat organlariga kiritilgan taqdimnomalar asosida o‘z xizmat vazifasini lozim darajada bajarmagan 25 nafar rahbar-xodim intizomiy javobgarlikka tortilgan bo‘lsa, ikki nafari vazifasidan ozod etildi. Tadbirkorlik faoliyatining to‘sqinliksiz amalga oshirilishini ta’minlash yuzasidan o‘tkazilgan monitoringlar natijasida 700 ga yaqin qonun buzilishi holati aniqlanib, 24 nafar mansabdor shaxs ma’muriy javobgarlikka tortildi, — deydi biznes-ombudsmanning viloyatdagi yetakchi inspektori Husniddin Ahmedov.

Foto: “Daryo”

Foto: “Daryo”

Ahmedovga ko‘ra, viloyatda 2020-yili 96 ta noqonuniy hujjatning bekor qilinishi, ortiqcha undirilgan 536 million so‘m tadbirkorlik subyektlariga qaytarilishi, asossiz hisoblangan 134,2 million so‘m soliq to‘lovi hisobdan chiqarilishiga erishildi.

Ko‘rilgan choralar natijasida viloyatda hozirgi kunda 970 ta bo‘sh yer uchastkasi aniqlanib, ularning 577 tasi E-ijro auksion savdo maydonchasiga yuborildi, 195 ta yer maydoni sotilishi ta’minlandi.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
“O‘tgan yil davomida ichki ishlar xodimlari bilan bog‘liq 644 ta salbiy video tarqalgan” — Shohrux G‘iyosov