Shavkat Mirziyoyev Farg‘ona viloyatiga tashrifi davomida Rishton xalqaro kulolchilik markazini ko‘zdan kechirish vaqtida OAV vakillari bilan 15 daqiqa muloqot qildi. Bu haqda uchrashuvda qatnashgan “Daryo” muxbiri xabar berdi.
Avvalroq Prezident Shavkat Mirziyoyev 4-fevral kuni qishloq xo‘jaligi, hunarmandchilik, to‘qimachilik, charm-poyabzal tarmoqlaridagi korxonalar faoliyati bilan tanishish, bunyodkorlik ishlarini ko‘zdan kechirish maqsadida Farg‘ona viloyatiga jo‘nab ketgani to‘g‘risida xabar berilgandi. Rishton xalqaro kulolchilik markaziga tashirifi davomida davlat rahbari OAV vakillari bilan 15 daqiqali muloqot qilib, ularga o‘z faoliyatida hech narsadan qo‘rqmaslikka va doimi adolat tarafida bo‘lishga chaqirgan.
Sizlar menga yelkadoshsiz, yordamingizga tayanaman. Adolatni yetkazishdan to‘xtamanglar, qo‘rqmanglar. Ortingizda Prezident turibdi. Adolat, adolat, adolat! Yana bir marta adolat. Bu yo‘ldan ortga qaytmaymiz. Sizlar adolat tarafdori bo‘lsangiz, haqiqatni yozsangiz, rahbarlar hozir sizlarni yomon ko‘rishi mumkin, ammo oxiri ishlashga tushadi. Tizimning ishlashiga olib keladi bu. Men sizlarga ishlaringizda omad tilayman, — degan Prezident.Shuningdek, Shavkat Mirziyoyev jurnalistlarni izlanishdan to‘xtamaslikka, yutuq va kamchiliklarni ham xalqqa adolat nuqtayi nazaridan yetkazishga chaqirgan.
Izoh (0)