Futbol bo‘yicha Italiya Kubogi 1/8 finalida “Inter” va “Milan” jamoalari 26-yanvar, seshanba kuni o‘zaro bahs yuritdi.
Uchrashuvning 31-daqiqasida Zlatan Ibragimovich “Milan”ni hisobda oldinga olib chiqdi. 58-daqiqada Ibragimovich ikkinchi sariq kartochkasini olib maydonni tark etdi.
Oradan ko‘p o‘tmay “Inter” futbolchilari penalti ishlab oldi, uni Romelu Lukaku aniq ijro etdi. Barchasi qo‘shimcha bo‘limlar tomon ketayotgan paytda, Kristian Eriksen so‘nggi daqiqalarda jarima zarbasini qoyilmaqom ijro etgan holda “Inter”ga g‘alaba olib keldi.
Shu tariqa Antonio Konte shogirdlari ilk yarim finalchiga aylandi.
Italiya Kubogi
1/8 final bahsi
26-yanvar, seshanba
“Inter” — “Milan” 2:1
Gollar: 0:1 – 31 Ibragimovich, 1:1 – 71, penalti Lukaku, 2:1 – 90+7 Eriksen.“Inter”: Handanovich, Shkrinyar, de Vrey, Kolarov (Yang, 90), Darmian (Hakimi, 46), Vidal, Barella, Perishich (Martines, 67), Brozovich (Eriksen, 88), Sanches, Lukaku.
“Milan”: Teterushanu, Diogu Dalot, Kyer (Tomori, 20), Teo, Romanyoli, Kessie, Salemakers (Kastilyexo, 85), Meyte, Brahim Dias (Rebich, 60), Ibragimovich, Rafael Leau (Krunich, 85).
Ogohlantirishlar: Kyer (17), Ibragimovich (45), Lukaku (45), Brozovich (52), Rebich (64), Kessie (90), Hakimi (90).
Chetlatish: Ibragimovich (58).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)