Ikki vazn toifasida UFC sobiq chempioni Konor Makgregor 24-yanvar kuni bo‘lib o‘tgan UFC 257 musobaqasida Dastin Poryega qarshi jang olib bordi va ikkinchi raundda nokautga uchrab mag‘lub bo‘ldi. Jangdan so‘ng irlandiyalik yakkakurashchi o‘z fikrlari bilan o‘rtoqlashdi.
“Uzoq vaqt faol bo‘lmagandim. Bir yildan oshdi. Oyoq zarbalari katta muammo tug‘dirdi. Meni 2021-yilda yana ko‘rasiz. Menga faollik kerak. Oyoqqa turish va qaytish kerak, men bu ishni qilaman. Bu zarbani qabul qilaman, biroq bir qancha muddatdan keyin yana qaytaman.
Hozir vaqtni oilam bilan o‘tkazishni xohlayman, dam olaman va keyin yana ishga kirishaman”, — deydi Konor.
Bu Porye va Makgregor o‘rtasidagi ikkinchi jang bo‘ldi. 2014-yilda Konor raqibini birinchi raunddayoq nokautga uchratgandi.
Makgregor so‘nggi bor 2019-yilning 19-yanvarida Donald Serronega qarshi jang qilgan va unda 40-soniyadayoq raqibini nokautga uchratgandi. Porye esa iyun oyida Den Hukerni mag‘lub etgandi.
Izoh (0)