Футбол бўйича Италия А Сериясининг 19-туридан ўрин олган бир қатор учрашувлар 24 январь, якшанба куни бўлиб ўтди.
«Женоа» ўз майдонида «Кальяри»ни қабул қилди. Учрашувнинг 10-дақиқасида Элдор Шомуродов рақиб жарима майдони ёнида тўпни қабул қилиб олди ва уни Кевин Стротманга узатди, Кевиннинг узатмасидан кейин эса Маттиа Дестро ҳисобни очди.
Танаффусга қадар ҳар икки жамоада бир қатор имкониятлар бўлди, айниқса, меҳмонлар вазиятлар яратишда фаолроқ бўлди. Иккинчи бўлимда ҳам «Кальяри» генуяликлар дарвозаси олдида босимни юзага келтирди, бироқ ҳисоб ўйин якунига қадар бошқа ўзгармади.
16-ўринда бораётган «Женоа» ушбу ғалабадан кейин очколарини 18 тага етказиб олди. «Грифонлар» очколар борасида «Удинезе» ва «Специя»га етиб олди. «Кальяри» (14) эса 18-поғонада қолди.
Асосий таркибда майдонга тушган Шомуродов 77-дақиқада захирага олинди.
Яна бир баҳсда «Наполи» «Верона» майдонига сафар қилди. 1-дақиқадаёқ Ирвинг Лосанонинг голидан кейин олдинга ўтиб олган неаполликлар кейинчалик ўз дарвозасидан учта тўп олиб чиқди.
«Наполи» 34 очко билан 6-поғонага тушиб кетди, «Верона» (27) 9-поғонага жойлашиб олди.
А Серия
19-тур баҳслари
24 январь, якшанба
«Женоа» — «Кальяри» 1:0
Гол: 1:0 – 10 Дестро.«Женоа»: Перин, Кришито, Заппакоста, Маселло, Чиборра (Онгене, 56), Стротман (Беҳрами, 63), Радованович, Бадель, Зайц (Мелегони, 77), Дестро (Пандев, 62), Шомуродов (Пьяца, 77).
«Кальяри»: Крано, Ликояннис, Годин, Заппа, Чеппителли, Данкан (Соттиль, 70), Наингголан (Перейро, 85), Марин, Нандес, Жоао Педро, Симеоне (Черри, 70).
Огоҳлантиришлар: Дестро (18), Нандес (20), Заппа (85).
«Верона» — «Наполи» 3:1
Голлар: 0:1 – 1 Лосано, 1:1 – 34 Димарко, 2:1 – 62 Барак, 3:1 – 79 Закканйи.«Верона»: Сильвестри, Димарко (Маняни, 56), Давидович, Гюнтер (Ловато, 76), Фараони, Илич, Тамез, Барак, Лазович, Закканйи (Бесса, 83), Калинич (Ди Кармине, 56).
«Наполи»: Мерет, Максимович, Ди Лоренцо, Кулибали, Ҳюсай, Бакаёко (Лоботка, 83), Зелиньски (Элмаз, 83), Лосано, Демме (Политано, 65), Инсинье (Мертенс, 60), Петанья (Осимҳен, 65).
Огоҳлантиришлар: Демме (16), Ди Лоренцо (54), Маняни (60), Кулибали (71), Закканйи (80).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)