DXX Andijon viloyati boshqarmasi va Bosh prokuratura huzuridagi departamentning hududiy boshqarmasi xodimlari hamkorligida o‘tkazilgan tezkor tadbirda fuqaroga 15 ming dollar evaziga sanoat zonasidan yer olib berishni va’da qilgan kadastr korxonasining sobiq xodimi qo‘lga olindi. Bu haqda “Daryo” muxbiri Umidjon Mamarasulov xabar berdi.
Ta’kidlanishicha, Andijon shahrida yashovchi viloyat “Yermulkkadastr” davlat korxonasining sobiq xodimi M.N. Andijon tumani “Ayrilish” MFY hududidagi sanoat zonasidan 30 sotix yer maydonini kadastr hujjatlari bilan rasmiylashtirib berishni va’da qilib, evaziga fuqaro A.Q.dan 15 ming dollar talab qilgan.
O‘tkazilgan tezkor tadbir davomida M.N. talab qilingan pulning 5 ming dollarini olayotgan vaqtida ashyoviy dalillar bilan qo‘lga olingan.
Hozirda mazkur holat yuzasidan Jinoyat kodeksining 28-moddasi (jinoyat ishtirokchilarining turlari) 211-moddasi (pora olish) va 168-moddasi (firibgarlik) bilan jinoyat ishi qo‘zg‘atilgan bo‘lib, tergov-surishtiruv harakatlari amalga oshirilmoqda.
Mavzuga doir:
- Buxoroda yer ajratish evaziga fuqarodan 2 ming dollar pora olgan hokimlik mas’uli qo‘lga olindi
- Samarqandda aybini yashirish evaziga IIB xodimiga 100 dollar pora bergan fuqaro qo‘lga olindi
- Toshkentda 4 mlrd so‘m kredit ajratib berish evaziga 15 ming dollar talab qilgan xususiy banklardan birining raisi qo‘lga olindi
Izoh (0)