ДХХ Андижон вилояти бошқармаси ва Бош прокуратура ҳузуридаги департаментнинг ҳудудий бошқармаси ходимлари ҳамкорлигида ўтказилган тезкор тадбирда фуқарога 15 минг доллар эвазига саноат зонасидан ер олиб беришни ваъда қилган кадастр корхонасининг собиқ ходими қўлга олинди. Бу ҳақда «Дарё» мухбири Умиджон Мамарасулов хабар берди.
Таъкидланишича, Андижон шаҳрида яшовчи вилоят «Ермулккадастр» давлат корхонасининг собиқ ходими М.Н. Андижон тумани «Айрилиш» МФЙ ҳудудидаги саноат зонасидан 30 сотих ер майдонини кадастр ҳужжатлари билан расмийлаштириб беришни ваъда қилиб, эвазига фуқаро А.Қ.дан 15 минг доллар талаб қилган.
Ўтказилган тезкор тадбир давомида М.Н. талаб қилинган пулнинг 5 минг долларини олаётган вақтида ашёвий далиллар билан қўлга олинган.
Ҳозирда мазкур ҳолат юзасидан Жиноят кодексининг 28-моддаси (жиноят иштирокчиларининг турлари) 211-моддаси (пора олиш) ва 168-моддаси (фирибгарлик) билан жиноят иши қўзғатилган бўлиб, тергов-суриштирув ҳаракатлари амалга оширилмоқда.
Мавзуга доир:
- Бухорода ер ажратиш эвазига фуқародан 2 минг доллар пора олган ҳокимлик масъули қўлга олинди
- Самарқандда айбини яшириш эвазига ИИБ ходимига 100 доллар пора берган фуқаро қўлга олинди
- Тошкентда 4 млрд сўм кредит ажратиб бериш эвазига 15 минг доллар талаб қилган хусусий банклардан бирининг раиси қўлга олинди
Изоҳ (0)