2020-yilning 31-dekabr kuni Uzbekistan Airways yangi Airbus A320 Neo laynerini qabul qilib oldi. Bu haqda CAPA Fleet Database ma’lumotlar bazasiga tayanib, Spot xabar berdi. Mazkur yangi samolyot kompaniya parkidagi 12-Airbus’ga va hisob bo‘yicha to‘rtinchi Neo’ga aylandi.
Samolyot 138 ta “ekonom-klass” va 12 ta “biznes-klass” o‘rinlari bilan jihozlangan. Shuningdek, uning bortida zamonaviy multimedia tizimi jamlanmasi hamda internet mavjud.
Airbus A320 Neo yangi LEAP-1A dvigatellari hamda fyuzellaji konstruksiyada foydalanilgan zamonaviy texnologiyalar sharofati bilan o‘zidan oldingi modellardan 20 foizga tejamkorroq hisoblanadi. Samolyotning parvoz masofasi 4,5 mingdan 6 ming kilometrgacha oshgan.
Eslatib o‘tamiz, birinchi Airbus A320neo layneri 2019-yil 11-mart kuni O‘zbekistonga keltirilgan va reysga tushirilgan edi.
Izoh (0)