Futbol bo‘yicha Ispaniya La Ligasining 16-turidan o‘rin olgan bir qator uchrashuvlar 30-dekabr, chorshanba kuni bo‘lib o‘tdi.
Madridning “Real” jamoasi safarda “Elche”ga qarshi bahs olib bordi. Uchrashuvni faol boshlagan mehmonlar 20-daqiqada Luka Modrichning golidan keyin oldinga o‘tib oldi. Ikkinchi bo‘lim debyutida Dani Karvaxalning qo‘polligidan keyin “Real” darvozasi tomon penalti belgilandi, uni Fidel muvaffaqiyati ijro etdi. Ikkinchi bo‘limda amaldagi chempionlar harchand urinmasin, raqib darvozasiga yo‘l topa olmadi.
“Elche” — “Real Madrid” uchrashuvidagi gollarni bu yerda ko‘rish mumkin — video.
Musobaqa peshqadami “Atletiko” o‘z uyida “Xetafe”ni qabul qildi. 20-daqiqada Luis Suares tomonidan kiritilgan to‘p o‘yin taqdirini hal qilib berdi.
Yana bir uchrashuv “Granada” va “Valensiya” jamoalari o‘rtasida kechdi. Avvaliga Kevin Gameyroning goli evaziga oldinga o‘tib olgan mehmonlar birinchi bo‘limga qo‘shib berilgan vaqtda o‘z darvozasidan to‘p olib chiqdi. Ikkinchi bo‘lim o‘rtalarida “Valensiya”ning ikki futbolchisi ketma-ket qizil kartochka oldi, oradan ko‘p o‘tmay bir nafar mezbonlar vakili ham chetlatildi. Oxir-oqibat “Granada” futbolchilari sondan ustunlikdan unumli foydalandi va 88-daqiqada gol holda uch ochkolik bo‘ldi.
30-dekabr kungi o‘yinlardan keyin musobaqa jadvali quyidagi ko‘rinishni oldi:
La Liga
16-tur bahslari
30-dekabr, chorshanba
“Elche” — “Real Madrid” 1:1
Gollar: 0:1 – 20 Modrich, 1:1 – 52, penalti Fidel.“Elche”: Badiya, Barragan, Xosema, Verdu, Sanches Minyo, Markone, Rodriges (Morente, 74), Fidel, Guti, Rigoni (Xosan, 74), Boye (Karrilyo, 87).
“Real Madrid”: Kurtua, Ramos, Karvaxal, Marselo, Varan, Kroos (Valverde, 78), Modrich, Vaskes (Azar, 77), Kazemiro, Asensio (Vinisius Junior, 86), Benzema.
Ogohlantirishlar: Ramos (21), Kazemiro (60), Karvaxal (66), Kroos (71), Verdu (73).
“Atletiko” — “Xetafe” 1:0
Gol: 1:0 – 20 Suares.“Atletiko”: Oblak, Savich, Felipe, Ermoso, Vrsalko (Saul, 57), Lyorente, Koke, Lemar (Torreyra, 71), Karrasko, Suares (Ximenes, 80), Joau Feliks (Korrea, 71).
“Xetafe”: Yanes, Iglesias, Jene, Echeyta, Olivera, Portilyo, Maksimovich, Timor (Patrik, 88), Kukurelya, Anxel Rodriges, Mata (Unal, 69).
Ogohlantirishlar: Anxel Rodriges (24), Savich (26), Timor (75), Echeyta (82), Ximenes (84).
“Granada” — “Valensiya” 2:1
Gollar: 0:1 – 36 Gameyro, 1:1 – 45+3 Kenedi, 2:1 – 88 Molina.Chetlatishlar: Duarte (76) — Jeyson (70), Gedesh (73).
“Selta” — “Ueska” 2:1
Gollar: 1:0 – 33 Nolito, 2:0 – 61 Aspas, 2:1 – 84 Seoane.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)