Jahon sog‘liqni saqlash tashkiloti (JSST) COVID-19 kasalligidan sog‘ayib chiqqan odamlarga virusga qarshi choralarni, jumladan, niqob taqish va ijtimoiy masofa saqlashni davom ettirishni maslahat berdi. Bu haqda JSST mutaxassisi Mariya van Kerkxov tashkilotning Twitter akkauntida e’lon qilingan videoda aytib o‘tdi.
Van Kerkxovning so‘zlariga ko‘ra, olimlar sog‘ayganlarda koronavirusga qarshi immunitetning davomiyligini aniqlash uchun bir qator tadqiqotlar o‘tkazmoqda.
“Biz hali ham to‘liq tasavvurga ega emasmiz. Ba’zi tadqiqotlar shuni ko‘rsatadiki, (COVID-19’dan sog‘ayganlarda) antitanalar olti oy yoki undan ko‘p vaqt mobaynida faol bo‘lishi mumkin. Ammo boshqa koronaviruslarga oid tajribalarimizga ko‘ra, bu immunitet umrbod organizmda qolmaydi”, – dedi Mariya.
Mutaxassis sog‘ayib ketgan odamlar tomonidan virusga qarshi choralarga rioya qilish muhimligini ta’kidladi.
“Immunitet qancha davom etishini biz hali ham bilmaymiz. Shuning uchun ijtimoiy masofa saqlab, sovun yoki antiseptiklar yordamida qo‘llarni toza saqlashimiz muhim. Zarur bo‘lgan joyda biz niqob taqishni davom ettirishimiz va barcha xavfsizlik choralariga rioya qilishimiz kerak”, – dedi van Kerkxov.
How long does your immunity last after you recover from #COVID19? Can you get reinfected? Why do you need to continue with preventative measures?
— World Health Organization (WHO) (@WHO) December 27, 2020
Dr @mvankerkhove explains in #ScienceIn5 👇 pic.twitter.com/3jtsQAr8mX
Avvalroq avstraliyalik olimlar COVID-19’dan tuzalgan odamlarda immunitetning davomiyligi kamida sakkiz oyni tashkil etishini aniqlagandi. Ularning fikriga ko‘ra, ushbu tadqiqot SARS-CoV-2 virusiga qarshi vaksinalar uzoq vaqt davomida ishlashining eng ishonchli dalilidir.
Izoh (0)