Dunyo bo‘ylab COVID-19’ga chalinganlar soni 81 milliondan oshdi. Bu haqda Jons Hopkins universiteti ma’lum qildi.
Ushbu kasallik oqibatida 1,7 milliondan ortiq odam vafot etgan. Sog‘ayganlar soni esa 45,8 milliondan oshdi.
Koronavirusga chalinish holatlari soni bo‘yicha quyidagi mamlakatlar yetakchilik qilmoqda:
AQSh — 19,1 million (333 ming kishi vafot etgan);
Hindiston — 10,2 million (147 ming);
Braziliya — 7,4 million (191 ming);
Rossiya — 3 million (54 ming);
Fransiya — 2,6 million (62 ming).
Shuningdek, Buyuk Britaniya, Turkiya, Italiya, Ispaniya, Germaniya, Kolumbiya va Argentinada koronavirusni yuqtirib olganlar soni 1,5 milliondan oshgan. Shu bilan birga, jami 18 ta mamlakatda kasallikka chalinganlar soni 1 million kishidan ortiq.
Eslatib o‘tamiz, dunyo bo‘yicha koronavirusga chalinganlar soni 9-noyabrda 50 million, 26-noyabrda 60 million, 12-dekabrda 70 million, 27-dekabrda esa 80 million kishidan oshgan edi.
Izoh (0)