Buxoro viloyati G‘ijduvon tumanida yashovchi 35 yoshli turmushga chiqmagan ayol spirtli ichimlik ta’sirida jazmani bilan kelib chiqqan janjal vaqtida uni pichoqlab qo‘ygan. Bu haqda “Sevimli” telekanalining “Zamon” axborot dasturi xabar berdi.
Aniqlanishicha, ayol oilasidan ajrashgan 44 yoshli erkakni o‘z uyiga tez-tez mehmonga chaqirib turgan. Erkakning mazkur uyga navbatdagi tashrifi fojia bilan yakunlangan.
Ularning navbatdagi uchrashuvida spirtli ichimlik iste’molidan keyin janjal kelib chiqqan. Janjal qaltis tus olib, ayol erkakning oyog‘i son qismiga oshxona pichog‘i bilan bir marta urib, og‘ir tan jarohati yetkazgan. Tuman shifoxonasida ko‘rsatilgan tibbiy yordamga qaramasdan, erkak olingan jarohati oqibatida vafot etgan.
Mazkur holat yuzasidan G‘ijduvon tumani IIB Tergov bo‘limi tomonidan Jinoyat kodeksining 104-moddasi 3-qismi “d” bandi (jabrlanuvchining o‘limiga sabab bo‘lgan qasddan badanga og‘ir shikast yetkazish) bilan jinoyat ishi qo‘zg‘atilgan, ayolga nisbatan qamoqqa olish ehtiyot chorasi qo‘llanilgan. Hozirda dastlabki tergov harakatlari olib borilmoqda.
Mavzuga doir:
- Zarafshonda mast holda 45 yoshli fuqaroni o‘ldirib qo‘ygan shaxs hibsga olindi
- “Abu Saxiy”da 25 yoshli yigit akasini pichoqlab o‘ldirdi (video)
- Samarqandda 33 yoshli erkak mast holatda tanish ayolni urib o‘ldirib qo‘ydi
- Farg‘onalik yigit internet orqali tanishgan qizi unga turmushga chiqmasligini aytgani uchun qizning uyiga borib, 2 oylik chaqaloqni o‘ldirdi
Izoh (0)