Toshkent shahri Chilonzor tumanida joylashgan “Toshkent savdo markazi”da 25 yoshli fuqaro o‘zaro nizo kelib chiqishi tufayli o‘z akasini pichoqlab o‘ldirdi, deya xabar bermoqda Bosh prokuratura matbuot xizmati “Daryo”ga.

Ma’lum qilinishicha, 16-dekabr kuni soat 16:35 larda Chilonzor tumani, “Toshkent savdo markazi” kompleksi hududidagi 5-blok, “G” qator, 127-savdo do‘koni oldida 1995-yilda tug‘ilgan, muqaddam sudlangan N.M. o‘zaro kelishmovchilik oqibatida akasi 1991-yilda tug‘ilgan O.M.ning o‘ng ko‘krak qo‘ltiqosti sohasiga bir marotaba pichoq bilan urib, tan jarohati yetkazgan.

Shundan so‘ng yigit hodisa joyidan yashiringan. Jabrlanuvchi, O.M. olgan tan jarohati bilan shifoxonada vafot etgan.

Chilonzor tumani IIB tomonidan N.M.ga nisbatan Jinoyat kodeksining 104-moddasi 3-qism “d” bandi (ta’magirlik niyatida qasddan badanga og‘ir shikast yetkazish) bilan jinoyat ishi qo‘zg‘atilib, uni qidirib topish choralari ko‘rilmoqda.

Avvalroq Turkiyada 31 yoshli o‘zbekistonlik tilanchi tomonidan pichoqlab o‘ldirilgani, Yunusoboddagi bekat oldidan ayol kishi murdasi topilgani hamda Qoraqalpog‘istonda 22 yoshli qiz va uning 79 yoshli buvisi pichoqlab ketilgani haqida xabar berilgandi.