Bugun,

  • USD 11095.31
  • RUB 173.84
  • EUR 10772.44

Sirdaryo viloyati Guliston va Sirdaryo tumanlarida fuqarolarni ishga kiritib qo‘yish evaziga pora olayotgan tibbiyot birlashmasi xodimlari qo‘lga olindi.

Qayd etilishicha, Guliston tumani tibbiyot birlashmasida xodimlar bo‘limi inspektori vazifasida faoliyat yuritib kelgan fuqaro Sodiqov fuqaro Akramovani tuman tibbiyot birlashmasiga ishga joylashtirib qo‘yishni va’da qilgan.

Sodiqov shu maqsadda fuqarodan 2020-yilning 25-noyabr kuni 200 AQSh dollarini pora tariqasida olayotganda Davlat xavfsizlik xizmati Sirdaryo viloyati bo‘yicha boshqarmasi hamda Bosh prokuratura huzuridagi iqtisodiy jinoyatlarga qarshi kurashish departamentining viloyat boshqarmasi xodimlari tomonidan jinoyat ustida qo‘lga olingan.

Shu bilan birga, Sirdaryo tumani tibbiyot birlashmasida xodimlar bo‘limi inspektori Nuriddin Haydarov ham xuddi shunday jinoyatga qo‘l urgan.

Ma’lum qilinishicha, u fuqaro Berdiyevni Sirdaryo tumani tibbiyot birlashmasiga ishga joylashtirib qo‘yishni va’da qilib buning evaziga undan 200 AQSh dollari miqdorida pora olayotgan vaqtida jinoyat ustida qo‘lga olingan.

Ularga nisbatan Jinoyat kodeksining tegishli moddalari bilan jinoyat ishi ochilgan.

Avvalroq Samarqandda aholi bandligiga ko‘maklashish markazi direktori soxta hujjat tayyorlab, 224 mln so‘mni o‘zlashtirgani ma’lum bo‘lgani, Farg‘onada YHXB inspektoriga 250 dollar pora berayotgan fuqaro qo‘lga olingani hamda Toshkentda qo‘riqlash xizmatiga ishga kiritib qo‘yish uchun 2 ming dollar pora olgan shaxsga jinoyat ishi ochilgani haqida xabar berilgandi.

Izoh
Asosiy yangiliklar
Iqtisodiyot
O‘zbekistonda yanvar oyida kimlarga eng yuqori maosh taklif qilindi?
Dunyo
“Rossiya yutqazadi, Ukraina g‘alabasi dunyoni o‘zgartiradi”: Zelenskiy Buyuk Britaniya parlamentida nutq so‘zladi (video)
Mahalliy
Qoraqalpog‘istondagi uyda gaz portlashi oqibatida bir kishi vafot etdi