Интернет фойдаланувчилари Россия президенти Владимир Путин Сочи ва Москва вилоятидаги иккита турли қароргоҳида бир хил кабинетлар қурдирганини муҳокама қилмоқда. Кремль ушбу маълумотни тасдиқламаган бўлса-да, интернетда «10 та фарқни топинг» ўйини оммалашиб кетди, деб хабар беради Hi-Tech.Mail.ru.
Кўплаб ўхшаш жиҳатлар битта суратда таққосланса, у қуйидагича кўриниш олади:
Айримлар эшик яқинидаги «виключател»нинг жойлашуви орасидаги фарққа эътибор қаратган. Биринчи суратда у деярли ўртада жойлашган, иккинчисида эса чапроққа — девор томонга сурилганини кўриш мумкин.
Шунингдек, фойдаланувчилар чап бурчакдаги иккита панжарага эътибор қаратган — суратда улар таққослаш қулай бўлиши учун доирага олинган. Тахминларга кўра, бу каби конструкциядан динамик ёки ҳаво тозалагич сифатида фойдаланиш мумкин. Иккинчи скриншотдан панжара йўқ.
Бундан ташқари, эшикдаги ошиқ-мошиққа чизиқлар билан ажратилган. Суратни катталаштириб, уларнинг ўлчами турличалигини пайқаш мумкин.
Шунингдек, байроқдаги номутаносибликлар ҳам эътибордан четта қолмаган.
Ноодатий ўйин ижтимоий тармоқларда «Проект» нашри томонидан Путиннинг иккала қароргоҳидаги кабинетлари ҳам «конспирация» сабаб бир хил жиҳозлангани тўғрисида эълон қилган мақоласидан сўнг, пайдо бўлди. Кейинроқ президент матбуот котиби Дмитрий Песков бу нотўғри эканлиги айтиб, маълумотларни «ахборот ҳужуми» деб таърифлаган.