Gollivud aktrisasi Skarlet Yoxanssonning Nyu-Yorkdagi 2 million dollarlik pentxausiga sayohat (foto)

Gollivud yulduzi Skarlet Yoxansson 2020-yilning kuzida uchinchi marta turmush qurdi. 36 yashar aktrisa turmush o‘rtoq sifatida 38 yoshli Saturday Night Live shousi ssenariy muallifi Kolin Jostni tanlagan. Aktrisa o‘zi yashaydigan pentxausini sotuvga qo‘yganidan, yoshlar birga yashash uchun yangi turar joy xarid qilmoqchi, degan xulosaga kelish mumkin. Nyu-Yorkning markazida joylashgan uyni Skarlet 2,3 million dollarga sotishni rejalashtirmoqda.

Minimal skandinaviya uslubidagi interyer bilan yasatilgan mazkur uy sokin rangdagi, ortiqcha bezaksiz mebellar bilan jihozlangan.

Qulay va shinam mehmonxonadan, uncha katta bo‘lmagan, ammo barcha zarur texnikalar mavjud bo‘lgan oshxonaga kiriladi.

Oshxona ham ikki yuvinish xonasi singari marmar bilan ajratilgan.

Ikkita yotoqxonaga ega bo‘lgan uyda havas qilsa arzigulik garderobni uchratish mumkin.

Pentxaus terrasasidan Manhettenning kishini o‘ziga jalb qiladigan manzarasi ko‘zga tashlanib turadi.