Bugun,

  • USD 11095.31
  • RUB 173.84
  • EUR 10772.44

O‘zbekistonda koronavirusga chalingani Sog‘liqni saqlash vazirligi tomonidan rasman tan olingan bemorlarning sog‘ayish ko‘rsatkichi 97 foizga yetdi. Bu haqda vazirlik matbuot xizmati xabar bermoqda.

Xabar berishlaricha, 2020-yil 15-martdan 7-dekabrga qadar O‘zbekistonda 74 206 kishida (xususan, 7-dekabr kuni 153 kishida) COVID-19 tasdiqlangan. Shundan 71 482 nafari (xususan, 7-dekabr kuni 167 nafari) sog‘aygan — bu koronavirusga chalingani SSV tomonidan tan olingan jami bemorlarning 97 foizidir.

Manba: Sog‘liqni saqlash vazirligi

Manba: Sog‘liqni saqlash vazirligi

Qayd etish joiz, mamlakatda kasallanish ko‘lami sezilarli qisqargani, buning natijasida koronavirusga chalingan bemorlarni davolashga moslashtirilgan shifoxonalar yana o‘z yo‘nalishiga qaytarilgani, bir qator kovid-markazlar esa yopilganiga qaramay, SSVning “sog‘ayish ko‘rsatkichi” 27-oktabrdan beri 96 foizlik ko‘rsatkichda o‘zgarmay kelayotgan edi.

Vazirlikning 8-dekabr tongidagi axborotiga ko‘ra, ayni vaqtda O‘zbekistonda koronavirusga chalingani SSV tomonidan tan olingan 2113 nafar bemor davolanishni davom ettirmoqda; ma’lum qilishlaricha, ulardan 179 nafarining ahvoli og‘ir, 34 nafarining ahvoli esa o‘ta og‘ir.

SSV statistikasi bo‘yicha, hozirgacha 611 nafar bemor koronavirus infeksiyasi asoratlari oqibatida vafot etgan. “Daryo” internet-nashri 22-sentabrga qadar yuritgan alohida statistika bo‘yicha esa, qurbonlar soni kamida 19 nafarga ko‘proq.

Izoh
Asosiy yangiliklar
Mahalliy
Professional asarlardan tortib oddiy qoʻl telefonida olingan suratlargacha — fotorassomlarning hisobot koʻrgazmasiga fototashrif
Dunyo
Yerni kuchli va uzoq davom etadigan magnit bo‘ronlari qoplaydi
Dunyo
Daniyalik siyosatchi Rossiyaning Daniyadagi elchixonasi oldida yana Qur’onni yoqib yubordi. Ramzan Qodirov bunga munosabat bildirdi