O‘zbekiston Prezidenti Shavkat Mirziyoyevning nazorati ostida 8-dekabr kuni “Mehr” operatsiyasining navbatdagi bosqichi amalga oshirildi, deya xabar bermoqda “Uzreport”.
Unga ko‘ra, Suriyaning jangovor harakatlari olib borilayotgan hududlaridan 98 nafar o‘zbekistonlik, ya’ni 25 nafar ayol va 73 nafar bola vatanga qaytarildi.
Olib kelinganlar endilikda barcha qulayliklarga ega bo‘lgan sog‘lomlashtirish muassasalariga joylashtirilib, issiq ovqat va kiyim kechak bilan ta’minlanadi. Mutaxassislar tomonidan tibbiy va psixologik yordamlar ko‘rsatiladi.
Shuningdek, ularning shaxsini tasdiqlovchi hujjatlarni rasmiylashtirish bo‘yicha ham tegishli ishlar amalga oshiriladi. Kelgusida esa ularning tinch hayotga qaytib, jamiyatga to‘laqonli ijtimoiy moslashuvi uchun zarur shart-sharoitlar yaratiladi.
Mavzuga doir: Video: Suriya jangohlaridan qaytgan ayol bilan suhbat
Keyinchalik ushbu operatsiya davomida O‘zbekiston tomoni ma’lum bir qiyinchiliklarga duch kelgani ayon bo‘lgan edi. Xususan, O‘zbekiston Prezidenti Shavkat Mirziyoyev bir davlat Suriyadan vatandoshlarni olib qaytish uchun O‘zbekiston samolyotini urib tushirish bilan tahdid qilganini ma’lum qilgan edi.
2019-yilning oktabr oyida esa Yaqin Sharqdagi mojarolar hududidan o‘zbekistonliklarni qaytarish bo‘yicha ikkinchi maxsus operatsiya amalga oshirilgan.
Izoh (0)