Rossiyaning Qozon shahrida 37 yoshli O‘zbekiston fuqarosi A.M. qurilish obyektining ikkinchi qavatidan yiqilib vafot etdi, deya xabar bermoqda O‘zbekiston Tashqi ishlar vazirligi Qozondagi bosh konsulxonaga asoslanib.
Tatariston Tergov qo‘mitasi hodisa yuzasidan Rossiya Jinoyat kodeksining 216-moddasi (qurilish yoki boshqa ishlarni olib borish vaqtida xavfsizlik qoidalarini buzish) bilan jinoyat ishi qo‘zg‘agan.
TIV matbuot xizmatining qayd etishicha, bosh konsulxona vaziyatni o‘z nazoratiga olgan, marhumning jasadini vatanga yuborish bilan bog‘liq konsullik-huquqiy, tashkiliy va boshqa masalalarni hal qilishda yordam ko‘rsatmoqda.
Avvalroq Sankt-Peterburgda ikki o‘zbekistonlik yuqori qavatdan yiqilib halok bo‘lgani, Ryazanda o‘zbekistonlik quruvchi yuqori qavatdan yiqilib halok bo‘lgani, Olmaota—Saratov yo‘nalishi bo‘yicha harakatlanayotgan poyezddan O‘zbekiston fuqarosi yiqilib, halok bo‘lgani xabar berilgan edi.
Izoh (0)