Россиянинг Қозон шаҳрида 37 ёшли Ўзбекистон фуқароси А.М. қурилиш объектининг иккинчи қаватидан йиқилиб вафот этди, дея хабар бермоқда Ўзбекистон Ташқи ишлар вазирлиги Қозондаги бош консулхонага асосланиб.
Татаристон Тергов қўмитаси ҳодиса юзасидан Россия Жиноят кодексининг 216-моддаси (қурилиш ёки бошқа ишларни олиб бориш вақтида хавфсизлик қоидаларини бузиш) билан жиноят иши қўзғаган.
ТИВ матбуот хизматининг қайд этишича, бош консулхона вазиятни ўз назоратига олган, марҳумнинг жасадини ватанга юбориш билан боғлиқ консуллик-ҳуқуқий, ташкилий ва бошқа масалаларни ҳал қилишда ёрдам кўрсатмоқда.
Аввалроқ Санкт-Петербургда икки ўзбекистонлик юқори қаватдан йиқилиб ҳалок бўлгани, Рязанда ўзбекистонлик қурувчи юқори қаватдан йиқилиб ҳалок бўлгани, Олмаота—Саратов йўналиши бўйича ҳаракатланаётган поезддан Ўзбекистон фуқароси йиқилиб, ҳалок бўлгани хабар берилган эди.
Изоҳ (0)