Amerikalik dasturchi Kevin Urrutiya O’Rayli Rojdestvo arafasida Texasdagi uyini Kris Kolambus boshchiligida suratga olingan “Uyda yolg‘iz” filmining qahramonlari tasvirlangan haykallar bilan bezadi. O’Rayli uyining ayvoniga holdan toygan va patlarga burkangan “ho‘l o‘g‘rilar”ni joylashtirdi va ularning ustidan chelakda bo‘yoqni quyishga tayyor Kevin obrazida namoyon bo‘lgan Makoley Kalkin manekenini o‘rnatdi.
Bundan tashqari, Kris Kolambus franshizasining muxlisi o‘z uyining devoriga “ho‘l o‘g‘rilar”ning qamoqdan qochib ketganligi to‘g‘risida xabar bergan gazetaning deyarli aniq nusxasini joylashtirdi. Faqatgina gazeta nomi “Ostin, Texas shtati” deb o‘zgartirilgan xolos. Shuningdek, bezaklar qatorida “Rojdestvo muborak!” degan tabrikni ham o‘qish mumkin.
Dasturchi o‘z ijodiy ishini suratga olib, uni Instagram sahifasiga joylashtirgan. “Bilaman, Rojdestvo bezaklari uchun biroz erta, ammo 2020-yilda Rojdestvoga qadar yetib bora olmaslik ham mumkin. Bugun ‘Uyda yolg‘iz’ filmi namoyish etilganiga 30 yil to‘lmoqda, ushbu bezaklar ustida esa oxirgi ikki oy mobaynida ish olib bordik”, − deya izoh qoldirgan sahifa egasi.
Izoh (0)