Америкалик дастурчи Кевин Уррутия O’Райли Рождество арафасида Техасдаги уйини Крис Коламбус бошчилигида суратга олинган «Уйда ёлғиз» фильмининг қаҳрамонлари тасвирланган ҳайкаллар билан безади. O’Райли уйининг айвонига ҳолдан тойган ва патларга бурканган «ҳўл ўғрилар»ни жойлаштирди ва уларнинг устидан челакда бўёқни қуйишга тайёр Кевин образида намоён бўлган Маколей Калкин манекенини ўрнатди.
Бундан ташқари, Крис Коламбус франшизасининг мухлиси ўз уйининг деворига «ҳўл ўғрилар»нинг қамоқдан қочиб кетганлиги тўғрисида хабар берган газетанинг деярли аниқ нусхасини жойлаштирди. Фақатгина газета номи «Остин, Техас штати» деб ўзгартирилган холос. Шунингдек, безаклар қаторида «Рождество муборак!» деган табрикни ҳам ўқиш мумкин.
Дастурчи ўз ижодий ишини суратга олиб, уни Instagram саҳифасига жойлаштирган. «Биламан, Рождество безаклари учун бироз эрта, аммо 2020 йилда Рождествога қадар етиб бора олмаслик ҳам мумкин. Бугун ‘Уйда ёлғиз’ фильми намойиш этилганига 30 йил тўлмоқда, ушбу безаклар устида эса охирги икки ой мобайнида иш олиб бордик», − дея изоҳ қолдирган саҳифа эгаси.
Изоҳ (0)