Mercedes-Benz kompaniyasi EQC 4x4² elektroyo‘ltanlamasi prototipi nimalarga qodir ekanligi tasvirlangan navbatdagi rolik bilan bo‘lishdi. Bu safar avtomobil veykbording bo‘yicha jahon chempioni yordamida suv bosgan hududda sinovdan o‘tkazildi, deb xabar beradi Motor.
E’lon qilingan videorolikda elektroyo‘ltanlamas konsepti toshloq yerlar bo‘ylab harakatlangan. Avtomobil marshrutidan ko‘l bo‘ylab harakatlanish ham o‘rin olgan. Harakat davomida elektrokrossoverning 20 dyuymli g‘ildiraklari to‘liq suv ostiga kirib ketgan. Biroq yo‘ltanlamas portal o‘qlarga egaligi hamda yer va yo‘ltanmalas orasidagi balandlik 293 millimetrga qadar uzaytirilgani sabab bu modelning soatiga 100 kilometr tezlikda harakatlanishiga xalaqit qilmagan. Konsern vakillarining so‘zlariga ko‘ra, EQC 4x4² chuqurligi 400 millimetrga yetadigan kechuvlardan o‘tishga qodir.
Reklama roligini suratga olishga yanada ko‘proq dinamika hosil qilish uchun unda veykbord bo‘yicha jahon chempioni Sanne Meyer ham ishtirok etgan. Sportsmen veykbordini krossover orqasiga bog‘lagan va katta tezlikda turli manyovrlarni amalga oshirgan. Shu orqali nemis mutaxassislar elektromobillarni dinamik boshqarish mumkinligini isbotlab berishga uringan.
Mercedes-Benz EQC 4x4² kapoti ostidan 408 ot kuchiga (762 Nm) ega elektromotor, sig‘imi 80 kilovatt/soatga teng litiy-ionli akkumulyator o‘rin olgan. Elektrokrossoverning barcha yutuqlariga qaramay, avtomobil seriyali ravishda ishlab chiqarlmaydi, balki konsept maqomida qoladi.
Mavzuga doir: Foto: Mercedes-Benz kompaniyasi 120 yoshda
Izoh (0)