Bugun,

  • USD 10940.05
  • RUB 182.26
  • EUR 11121.65

SamAuto kompaniyasi 19-noyabr kuni “Toshshahartransxizmat” AJga 51-yo‘nalish (Yunusobod 6-mavze—Beshyog‘och maydoni) bo‘yicha harakatlanadigan sinov elektrobusini taqdim etdi. Bu haqda avtozavod vakillariga tayanib, “Gazeta.uz” xabar berdi.

Foto: SamAuto

Foto: SamAuto

Ma’lum qilinishicha, ekspluatatsiya jarayonida SamAuto mutaxassislari o‘z elektrobusini ishlab chiqish uchun yo‘lovchilar va haydovchilarning fikrlarini hisobga oladi, shuningdek, mazkur modelning sifati va funksional vazifalari o‘rganiladi va ularning monitoringi olib boriladi.

Foto: SamAuto

Foto: SamAuto

SamAuto bosh direktori o‘rinbosari, marketing va sotuvlar bo‘limi rahbari Ilhom Yarashevning bildirishicha, ushbu elektrobus elektrotransport ishlab chiqarish bo‘yicha jahon yetakchilaridan biri bo‘lgan Xitoyning BYD kompaniyasi tomonidan ishlab chiqarilgan. Bir martalik quvvatlantirish hisobiga 300 kilometr masofani bosib o‘tadi, bu shahar avtobusining o‘rtacha bir kunda bosib o‘tadigan masofasiga to‘g‘ri keladi. To‘liq quvvatlantirishni elektr tarmog‘iga yuklama kamroq bo‘lgan paytda 3-4 soat ichida bajarish mumkin. Elektrobuslar xizmat ko‘rsatish jihatidan sodda, shovqinsiz hamda gaz va dizel transportiga qaraganda kam xarajat talab qiladi.

Elektrobusning uzunligi 12 metrni, yo‘lovchilarni tashish hajmi 76 kishini tashkil qiladi. “Uning pol qismi past bo‘ladi: zinapoyalar va podiumning yo‘qligi tufayli yo‘lovchilar, shu jumladan, pensionerlar, aravachalarda harakatlanuvchi yo‘lovchilar, alohida ehtiyojli kishilar salon bo‘ylab erkin harakatlana oladi. Shuningdek, elektrobus videokuzatuv kamerasi va avtomatik havo namligini saqlash va isitish tizimi bilan jihozlangan”, — deyiladi kompaniya xabarida.

Foto: “Toshshahartransxizmat”

Foto: “Toshshahartransxizmat”

Atrof-muhitni muhofaza qilish bo‘yicha 2030-yilgacha mo‘ljallangan konsepsiyasiga muvofiq, O‘zbekiston jamoat transportining kamida 50 foizi zararli moddalarni havoga chiqarishni kamaytirish uchun muqobil yoqilg‘i turlariga o‘tishi kerak.

Eslatib o‘tamiz, Toshkent shahar hokimi Jahongir Ortiqxo‘jayev va “Belkommunmash” rahbari Vladimir Korol o‘rtasida 2018-yil sentabrida bo‘lib o‘tgan muzokaralar yakuniga ko‘ra, Belarus elektrobuslaridan birini Toshkentda sinab ko‘rish bo‘yicha kelishuvga erishilgan edi. 450 ming dollarga xarid qilingan birinchi elektrobus Toshkentda 2019-yilning 13-sentabridan harakatlanishni boshlagandi. 2020-yilning mart oyidan boshlab esa Toshkentning 52-avtobus yo‘nalishi (Beshyog‘och—Yunusobod) bo‘ylab Xitoyning Yutong elektrobusi sinov tariqasida qatnay boshlagandi.

Avvalroq Toshkentga uch yil ichida 300 ta yangi elektrobus olib kelinishi mumkinligi haqida xabar berilgandi.

Izoh
Asosiy yangiliklar
Mahalliy
Surxondaryoda 3-sinf o‘quvchisi maktab hovlisida vafot etdi
Dunyo
Merkel Putinning yadroviy tahdidlarini jiddiy qabul qilishga chaqirdi
Mahalliy
Shavkat Mirziyoyev transport va logistika sohasidagi kamchiliklarni sanab, qator topshiriqlar berdi