Krishtianu Ronaldu terma jamoadagi g‘alabalar soni bo‘yicha Xavini ortda qoldirdi. Undan oldinda faqat 2 futbolchi bor

Portugaliya terma jamoasi Millatlar Ligasi 6-turida Xorvatiyani 3:2 hisobida mag‘lubiyatga uchratdi.

Bu portugallar sardori Krishtianu Ronaldu uchun terma jamoa safidagi 101-g‘alaba bo‘ldi. “Yuventus” forvardi bu borada Ispaniya terma jamoasi sobiq yarim himoyachisi Xavini ortda qoldirdi (100 ta g‘alaba).

Ronaldu terma jamoadagi g‘alabalar soni bo‘yicha faqat Iker Kasilyas (121) va Serxio Ramosdan (130) ortda qolmoqda. Iker faoliyatini yakunlagan bo‘lsa, “Real” sardori hali o‘ynashda davom etmoqda.