Криштиану Роналду терма жамоадаги ғалабалар сони бўйича Хавини ортда қолдирди. Ундан олдинда фақат 2 футболчи бор

Португалия терма жамоаси Миллатлар Лигаси 6-турида Хорватияни 3:2 ҳисобида мағлубиятга учратди.

Бу португаллар сардори Криштиану Роналду учун терма жамоа сафидаги 101-ғалаба бўлди. «Ювентус» форварди бу борада Испания терма жамоаси собиқ ярим ҳимоячиси Хавини ортда қолдирди (100 та ғалаба).

Роналду терма жамоадаги ғалабалар сони бўйича фақат Икер Касильяс (121) ва Серхио Рамосдан (130) ортда қолмоқда. Икер фаолиятини якунлаган бўлса, «Реал» сардори ҳали ўйнашда давом этмоқда.