Avstraliyaning Melburn shahrida istiqomat qiluvchi erkak adashib ikkita yutuqli lotereya chiptasini sotib olib, ikki marotaba millionerga aylandi, deb xabar beradi Daily Mail.
Ismini oshkor etishni istamagan erkak tasodifan onlayn holda bitta chipta o‘rniga ikkita lotereya sotib olgan. 7-noyabr kuni o‘ynalgan lotereyada avstraliyalik ikki marotaba jekpotni qo‘lga kiritib, jami 1,5 million AQSh dollari yutib olgan.
“Men har hafta o‘ynayman va odatda ‘Yana bir bor o‘ynash’ tugmasini bosaman. Bu safar tugmani ikki marotaba bosganimni bilmasdim. Bu hayotimdagi eng yaxshi xato! Yana shu kabi xatolarni takrorlashdan baxtiyor bo‘lardim!”, — deydi g‘olib.
U o‘yin uchun raqamlar ketma-ketligini tanlashning eng noodatiy usuli bilan bo‘lishgan. “Uni oila a’zolarim qo‘lda terib chiqqan. Biz raqamlarni qog‘ozga yozib, qutiga soldik, shundan so‘ng oilamning har bir a’zosidan bittadan varaqni olishni so‘radim”, — deya tushuntiradi erkak.
Avstraliyalikning ta’kidlashicha, u hozircha o‘zining millionlarini nimaga sarflash bo‘yicha yakuniy qaror qabul qilmagan. “Xotinim pullarni xayriya tashkilotlariga tarqatish taklifi bilan chiqishini bilaman. Balki ularning nomini ham quti orqali tanlab olarmiz”, — deydi omadli avstraliyalik.
Avvalroq AQShda lotereya g‘olibi 22 million dollarni do‘sti bilan bo‘lishgani, bunga 28 yil oldin berilgan va’da sabab bo‘lgani to‘g‘risida xabar berilgandi.