Bugun,

  • USD 10940.05
  • RUB 182.26
  • EUR 11121.65

Germaniyaning BioNTech farmatsevtika kompaniyasi asoschilaridan biri va rahbari Ugur Shaxinning fikricha, kelayotgan qish qiyin bo‘ladi, chunki vaksinalar COVID-19 bilan kasallanish holatlari soniga sezilarli ta’sir ko‘rsatishga ulgurmaydi. Bu haqda “RBK” xabar berdi.

Foto: Reuters

Foto: Reuters

Noyabr oyining boshida BioNTech va AQShning Pfizer kompaniyasi ular ishlab chiqarayotgan vaksina sinovlarda 90 foizdan yuqori samaradorlikni ko‘rsatganini ma’lum qildi. Bu esa fond bozorlarida kotirovkalarning tez o‘sishiga sabab bo‘ldi.

Biroq, Shaxinning so‘zlariga ko‘ra, COVID-19 tarqalishi bilan bog‘liq vaziyat yaqin oylarda yaxshilanmaydi.

“Bu qish qiyin bo‘ladi”, — deb ogohlantirdi BioNTech rahbari. Ugur Shaxinning aytishicha, hatto eng yaxshi holatda ham, uning kompaniyasi o‘z vaksinasini yetkazib berishni faqat 2020-yilning oxirida yoki 2021-yil boshida boshlashi mumkin. Kompaniya rahbari Yevropa Ittifoqi aholisining kamida bir qismini emlash uchun zarur bo‘lgan 300 million dozani ishlab chiqarish faqat 2021-yilning apreligacha rejalashtirilganligini ta’kidlagan.

Shaxinning so‘zlariga ko‘ra, 2021-yilning yozida COVID-19 yuqtirish darajasi tabiiy ravishda kamayadi, ammo keyingi kuzga qadar emlashni yakunlash kerak.

“Ishonchim komilki, shunday bo‘ladi, chunki vaksinalar ishlab chiqaradigan bir qator kompaniyalar mavjud bo‘lib, bizga yetkazib berishni ko‘paytirishga yordam beradi. Shunday qilib, kelasi yil biz odatdagidek qishlashimiz mumkin”, — deya va’da berdi Shaxin.

Uning ta’kidlashicha, hatto real sharoitda BioNTech va Pfizer tomonidan ishlab chiqarilgan vaksinaning samaradorligi 90 foiz emas, balki atigi 50 foiz bo‘lsa ham, bu COVID-19 tarqalishining keskin pasayishini ta’minlash uchun yetarli bo‘ladi.

Shaxinning so‘zlariga ko‘ra, vaksina natijasida yuzaga kelgan immunitet qancha davom etishi haqida gapirishga hali erta. Ammo agar bir yildan keyin emlanganlarning immuniteti pasaygan bo‘lsa, qayta emlash katta qiyinchiliklarga olib kelmasligi kerak.

Eslatib o‘tamiz, AQShning Moderna kompaniyasi 16-noyabr kuni sinovlarning uchinchi bosqichidagi koronavirusga qarshi vaksina 94,5 foiz samaradorlik ko‘rsatganini e’lon qildi. Bu yangilik ortidan AQSh fond bozorida o‘sish boshlandi.

Izoh
Asosiy yangiliklar
Mahalliy
Onlayn firibgarlik: fishing nima va undan qanday himoyalanish kerak?
Dunyo
Harbiy xizmatdan bosh tortganlik uchun 10 yilgacha qamoq: Putin safarbarlik yuzasidan qonun imzoladi
Dunyo
Borrel: Putinning yadroviy tahdidlarini jiddiy qabul qilish kerak