Amerikalik xonanda Billi Aylishning “Bad guy” nomli qo‘shig‘i You Tube’da 1 milliarddan ortiq tomosha qilindi. “RIA Novosti”ning yozishicha, bunday natija xonanda karyerasida ilk bor kuzatildi.
2019-yilning mart oyida taqdim qilingan klip avvallari Ariana Grande, Maroon 5 guruhi va boshqa mashhur qo‘shiqchilar bilan birga ishlagan rejissor Deyv Mayers tomonidan suratga olingan.
Ushbu trek Billining “When we all fall asleep, where do we go?” deb nomlangan ilk albomidan o‘rin olgan.
Kompozitsiya Kanada, Avstraliya, Yangi Zelandiya va Rossiya chartlarida yetakchilik qilgan. Keyinroq esa Billboard hot 100 xit-paradi reytingida birinchi o‘rinni egallagan.
Avvalroq Aylish saylovchilarni AQSh prezidentlik saylovida Jo Baydenga ovoz berishga chaqirgani va birinchi marta yangi qo‘shig‘ini jonli ijroda kuylagani haqida xabar berilgandi.
Mavzuga doir:
- Billi Aylishning uyi Google Maps’dan yo‘qolib qoldi. Bunga qo‘shiqchining uyida mehmon bo‘lishni istagan muxlislar aybdor
- Ledi Gaga, Billi Aylish, Elton Jon, The Rolling Stones va boshqa o‘nlab buyuk musiqachilar shifokorlar uchun onlayn-konsert berdi
- “Karantindan keyin insonlar o‘zini baxtli his eta boshlaydi”. Billi Aylish izolyatsiyani qanday o‘tkazayotgani haqida so‘zlab berdi
- Billi Aylishning akasi yangi klip chiqardi (video)
Izoh (0)