Agar sviter kiyish shunchaki oddiy uslub deb hisoblansa, bu, albatta, biroz noto‘g‘ri fikr. Sababi undan ham kutilmagan va ajoyib obrazlar yaratish mumkin. Bunga yulduzlar ko‘rinishida guvoh bo‘ling.
Viktoriya Bekhemdan o‘rnak olsa arziydi, u keng sviterni plissirovkali yubka bilan uyg‘unlashtirgan. Ushbu uslub kuz-qish mavsumiga juda mos keladi. Agar yana qo‘shimcha qilishni istaydiganlar bo‘lsa, poshnali oyoq kiyim va sumkadan foydalanishi mumkin.
Qora rangli sviterlar hamisha uning egasiga o‘zgacha ko‘rinish baxsh etadi. Uzun etik hamda yubka yordamida oddiygina sviter yanada boyitilgan. Ushbu uslubdan, albatta, yupqa matolardan issiq fasllarda ham foydalanish mumkin. Hattoki kechki ziyofat va uchrashuvlarga ham ushbu ko‘rinishda tashrif buyurish tavsiya etiladi.
Sviterni zamonaviy keng shimlar bilan uyg‘unlashtirish ham ajoyib uslubni kashf etadi. Ayniqsa, yupqa matodagisi uni osongina kamar ichiga qayirib olishga yordam beradi.
Sviter nafaqat isitadi, balki uning yorqin rangi kayfiyatga ham ta’sir o‘tkazadi. Qizil, pushti yoki sariq kabi ranglar klassik uslubdagi kostyum-shimlar bilan uyg‘unlashtirish mumkin.
Sviter va yubka, bu ham ajoyib tanlov. Ayniqsa, baland poshnali oyoq kiyim ushbu uslubga juda ham mos keladi. Kuz va bahor mavsumida eng ko‘p qo‘llaniladigan obrazlardan biridir.
Ko‘pchilik jinsi shimlarni faqatgina kundalik hayotda kiyish mumkin, deb o‘ylaydi. Ammo uni sviter va klassik uslubdagi tufli bilan birlashtirish natijasida ziyofat va uchrashuvlarga ham kiyish mumkin.
Yorqin va katta o‘lchamdagi sviterlarni shim va krossovka bilan birlashtirish mumkin. Bunday uslub do‘stlar bilan uchrashuvga mos keladi.
Charm matosi hech qachon urfdan qolmaydi. Uni sviter va baland poshnali oyoq kiyim bilan uyg‘unlashtirish esa yangi obrazni namoyon qiladi.
Sviterni mono uslubda ham kiyish mumkin. Bunday ko‘rinishdagi ayollar shaharning gavjum ko‘chalarida ham ko‘proq uchraydi. Havo isib ketganda esa uni shunchaki yelkaga tashlab olish kifoya.
Izoh (0)