Bugun,

  • USD 11095.31
  • RUB 173.84
  • EUR 10772.44

Xalq ta’limi vaziri Sherzod Shermatov o‘zining Telegram’dagi kanali orqali piyoda yurib shaxsiy namuna ko‘rsatish oson kechmayotgani to‘g‘risida post qoldirdi.

Foto: “Daryo”

Foto: “Daryo”
Yaqinda Prezidentimiz tomonidan sog‘lom turmush tarzini targ‘ib qilishda rahbarlar o‘zi shaxsiy namuna ko‘rsatishi zarurligi bo‘yicha o‘ziga xos chaqiriq bo‘lgandi.

Yakshanba kuni peshinda Xorazmdan qaytgach, tushlikdan so‘ng ishxonaga yayov yurib borishni bir tekshirib ko‘rishga harakat qildim. Taxminan 2 soatlarda 9 kilometrni bemalol yurib borsa bo‘lar ekan. Albatta, birdan ko‘p yurilganiga ertasiga ozgina oyoq og‘rig‘i bo‘ldiyu, keyin o‘tib ketdi. Ertasi kuni esa odam o‘zini ancha tetik xis qilib, yana yayov yurgisi kelarkan.

Yo‘lda xursand bo‘lganim, “Botanika bog‘i”ga oilaviy kelib, aylanadiganlar juda ko‘payibdi.

Yangi binoga ko‘chib o‘tganimizdan keyin, ishxonada ham 8 qavatga liftdan foydalanmay chiqishni yo‘lga qo‘ygandim. Keyin zinadan foydalanish xodimlar orasida ommalashdi. Shuning uchun ham, shaxsiy namuna deyilgani bejizga emas.

Nasib qilsa, pandemiyadan qutilib, davlat ishidagi rahbar kadrlarda sog‘lom turmush tarziga rioya qilish bo‘yicha shaxsiy namuna ko‘rsatishiga yanada ko‘proq vaqt bo‘ladi.

Sherzod Shermatov, xalq ta’limi vaziri

Avvalroq Samarqand viloyati hokimi rahbarlarga ishga 10 kun piyoda kelib-ketishni taklif qilgani to‘g‘risida xabar berilgandi.

Eslatib o‘tamiz, oktabr oxirida Prezident farmoni bilan bir sutkada 10 ming qadam yurgan fuqarolarga pul to‘lanishi belgilangan. Unga ko‘ra, O‘zbekiston hududida bir sutka davomida o‘n ming va undan ortiq qadam yurgan fuqaroga 3 ming so‘mdan to‘lanadi. Bundan tashqari, har oyda har bir tuman (shahar) bo‘yicha eng ko‘p yurgan shaxsga 300 ming so‘mdan, har bir hudud bo‘yicha eng ko‘p yurgan shaxsga 500 ming so‘m, respublika bo‘yicha eng ko‘p yurgan shaxsga 1 million so‘m qo‘shimcha ravishda platformadagi elektron hamyoniga o‘tkaziladi.

Izoh
Asosiy yangiliklar
Mahalliy
Abdulla Aripov Shinjon-Uyg‘ur avtonom rayoni partiya kotibi bilan uchrashdi
Turkmaniston
Turkmaniston Arqadag‘ shahri loyihasini BMT Bosh assambleyasida taqdim etadi
Dunyo
Fransiya prezidentini ijtimoiy tarmoqda haqorat qilgan ayol hibsga olindi