Тошкентнинг Яшнобод туманида 64 ёшли бувисининг тилла тақинчоқлари ва пулларини ўғирлаган 21 ёшли қизга жиноят иши қўзғатилди. Бу ҳақда Тошкент шаҳар ИИББ матбуот хизмати хабар берди.
19 октябрь куни Яшнобод тумани ИИО ФМБга 64 ёшли аёл С.Т. мурожаат қилиб, унинг хонасидан пул ва тилла тақинчоқлар йўқолганлиги ҳақида хабар берган.
Тергов давомида аниқланишича, аёлнинг 21 ёшли набираси А.А. унинг хонасига кириб, 10 миллион сўм пул ва 4 миллион сўмлик тақинчоқларни ўғирлаб кетган.
Ҳолат юзасидан Жиноят кодексининг 169-моддаси (ўғрилик) бўйича жиноий иш қўзғатилган. Тергов ишлари давом этмоқда.
Изоҳ (0)