Фарғонада Mercedes-Benz’да олиб кетилаётган 38 млн сўмлик пиротехника воситалари тўхтатиб қолинди

Фарғона вилояти Олтиариқ туманида 1 ноябрь куни қиймати тахминан 38 миллион сўм миқдоридаги пиротехника воситалари тўхтатиб қолинди. Бу ҳақда ЙҲХББ матбуот хизмати хабар берди.

Фуқаро А.Ғ. бошқарувидаги Mercedes-Benz автомобили тўхтатиб текширилганида юкхонасида 19 та қутида 547,2 минг дона «Британик» ва «Трения» номли пиротехника воситалари борлиги аниқланган.

Аниқланган маҳсулотлар холислар иштирокида далилий ашё тариқасида олиниб, терговолди текширув ҳаракатларини ўтказиш учун Олтиариқ тумани ИИБга топширилган.