AQSh Federal qidiruv byurosi, Bojxona va сhegara xizmatlari, Nyu-York politsiya departamenti va boshqa davlat idoralari tomonidan o‘tkazilgan tekshiruv ishlari yakuniga ko‘ra, 10 kishi 50 million dollarlik elektron qurilmalar kontrabandasi ishi bo‘yicha ayblandi, deb xabar beradi Spot.
Interpol milliy markaziy byurosining ma’lum qilishicha, ayblanuvchilar orasida O‘zbekiston fuqarolari ham bor — Akmal Asadov (38 yosh), Shoxruh Saidov (31), Azamat Bobomurodov (31), Zokir Iskandarov (30 yosh).
Nyu-York shtati sharqiy okrugi politsiyasining saytida yozilishicha, ayblanuvchilarga Rossiyaning “Aeroflot” aviakompaniyasining amaldagi va sobiq xodimlari yordam ko‘rsatgan, biroq kompaniyaning o‘zi buni rad etmoqdi.
Huquq-tartibot organlari xodimlari ekipaj a’zolarining yuklarini tekshirish vaqtida “millionlab dollarlik” qurilmalarni topgan. Ular orasida noqonuniy ravishda tashilgan texnikalar — iPhone, iPad va Apple Watch qurilmalari bor. Qayd etilishicha, ushbu qurilmalarning aksariyati o‘g‘irlangan. AQSh Davlat departamenti hozirda “Aeroflot” xodimlarining 113 ta vizasini bekor qilgan.
Izoh (0)