“Real” bosh murabbiyi Zinedin Zidan Chempionlar Ligasi guruh bosqichining 2-turidan o‘rin olgan “Borussiya M”ga qarshi o‘yindan (2:2) so‘ng o‘z fikrlari bilan o‘rtoqlashdi.

Foto: Twitter

Natija jamoaning xarakterini ko‘rsatdi. Biz durangga loyiq edik, hatto bundan ko‘prog‘iga ham. Bu juda muhim ochko. Albatta, jadvaldagi vaziyat murakkab, biz hozir o‘tgan yilgi holatdamiz. Futbolchilar oxirigacha kurashdi va yaxshi o‘ynadi, ishonamanki barchasi ortda qoladi.

Biz harakatdan to‘xtamasligimiz va charchoqni yengishimiz kerak. To‘xtamadik, lekin juda charchagan edik. Hammasi ortda qoldi. Bu yil hamma uchun qiyin bo‘ladi. Ammo bugungi natija bilan faxrlanishimiz kerak, chunki qiyin vaziyatda bir ochko qo‘lga kiritdik. Ha, bizga nimadir yetishmadi, chunki g‘alaba qozona olmadik, ammo o‘yin rejamizga ishondik, yaxshi o‘ynadik va durangga loyiq o‘yin ko‘rsatdik.

Uchrashuv mazmunli ruhda o‘tdi. Guruh bosqichida oson uchrashuvlar bo‘lmaydi. Agar shunday o‘ynashda davom etsak, keyinga bosqichga chiqamiz.

Zinedin Zidan, “Real” bosh murabbiyi

Madrid klubi mazkur durangdan keyin 1 ochko bilan B guruhida so‘nggi pog‘onada bormoqda. Jamoa keyingi turda o‘z maydonida “Inter”ni qabul qiladi.