“Lion” qanday shart asosida Memfis Depayni “Barselona”ga qo‘yib yuborishi ma’lum bo‘ldi

“Lion” hujumchi Memfis Depayning qishki transferlar vaqtida “Barselona”ga o‘tishi borasidagi kelishuv shartlarini o‘zgartirmoqchi.

Goal’ga ko‘ra, fransuz klubi agar “Barselona” Antuan Grizmanni kelishuvga qo‘shsa, niderlandiyalik hujumchini bepul qo‘yib yuborishga tayyor. “Barselona” futbolchi bilan xayrlashishga qarshi emas, ammo Grizmanning o‘zi potensial transfer haqida qanday fikrda ekanligi noma’lum.

Ma’lumot uchun, Grizmann o‘tgan yozda “Atletiko”dan “Barselona”ga 120 million yevro evaziga ko‘chib o‘tgandi. Joriy mavsumda 29 yoshli futbolchi Ispaniya chempionatining 5 uchrashuvida maydonga tushib, biror marta ham samarali harakat qilmadi.

Avvalroq “Barselona” Depay transferi bo‘yicha kelishuvga erishgani haqida xabar berilgandi. Shu bilan birga futbolchining “Lion” bilan shartnomasi kelasi yili o‘z nihoyasiga yetadi. Ushbu holatda “Barselona” uni tekinga qo‘lga kiritishi mumkin bo‘ladi.