“Barselona” hujumchisi Lionel Messi La Liga 7-turi doirasida “Real”ga qarshi kechgan bahsda (1:3) gol ura olmadi.
Argentinalik futbolchi ketma-ket oltita “El-Klasiko”dan buyon gol ura olmayapti. Bu Messi uchun “Real”ga qarshi o‘yinlaridagi eng yomon quruq seriyaning takrorlanishi bo‘ldi.
So‘nggi bor Messi 2018-yilning 6-mayida “Real” darvozasiga yo‘l topa olgandi. Shundan keyin “Barselona” va “Real” o‘zaro olti bor to‘qnash keldi.
Shuningdek, qayd etilishicha, so‘nggi vaqtlarda Messining “Real”ga qarshi o‘yinlardagi samaradorligi ham tushib ketgan. Messi dastlabki 27 “El-Klasiko”da 21 ta gol urgan bo‘lsa, so‘nggi 17 qarama-qarshilikda bor-yo‘g‘i beshta gol urgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)