Taniqli jurnalist, ijtimoiy tarmoqlarda “Usmon Haqnazar” taxallusi ostida ijod qilgan Bobomurod Abdullayevga xorijga chiqish pasporti topshirildi. Bu haqda “Kun.uz” xabar qilgan.
Foto: “Kun.uz”
Qayd etilishicha, 23-oktabr kuni O‘zbekiston Respublikasi Ichki ishlar vazirligining migratsiya va fuqarolikni rasmiylashtirish bosh boshqarmasi rasmiylari tomonidan jurnalist Bobomurod Abdullayevga xorijga chiqish pasporti topshirilgan. Shuningdek, jurnalistga nisbatan barcha tergov va surishtiruvlar tugatilgan, sud ishi ham yakunlangan, unga O‘zbekiston ichida va xorijga chiqish bilan bog‘liq har qanday cheklovlar bekor qilingan.
Foto: “Kun.uz”
O‘z navbatida, Bobomurod Abdullayev bu yangilik o‘zi uchun kutilmagan holat bo‘lgani va bundan xursandligini ta’kidlagan.
Foto: “Kun.uz”
Avval Prezident Shavkat Mirziyoyev jurnalist Bobomurod Abdullayevga Toshkent shahridagi turar joy majmualarining biridan barcha jihozlari va maishiy texnikalari bilan uch xonali kvartira hadya qilgani haqida xabar berilgandi.
Jurnalist Bobomurod Abdullayev O‘zbekiston so‘roviga muvofiq, 8-sentabr kuni Qirg‘izistonda hibsga olingan. Keyinroq jurnalistning onasi Prezident Shavkat Mirziyoyevga murojaat qilgani inobatga olinib, u 22-avgust kuni munosib xulq-atvorda bo‘lish to‘g‘risidagi tilxat bilan ozod qilingani ma’lum bo‘lgan.
Bobomurod Abdullayev 2017-yilda ham O‘zbekistonda konstitutsiyaviy tuzumini ag‘darib tashlash maqsadida fitna uyushtirish jinoyatida gumon qilinib, qamoqqa olingan, 2018-yil may oyida sud zalidan ozod etilgan.
