Bugun,

  • USD 11014.01
  • RUB 191.8
  • EUR 10674.78

Norvegiya hukumati o‘z fuqarolariga koronavirusga qarshi vaksinani bepul tarqatadi. Bu mamlakatda amalga oshiriladigan milliy vaksinatsiya dasturining bir qismiga aylanadi, deb xabar beradi Reuters.

Foto: Reuters

Foto: Reuters

Ma’lumotlarga ko‘ra, yagona Yevropa bozorining bir qismi, biroq Yevropa Ittifoqi a’zosi hisoblanmaydigan Norvegiya YI farmatsevtika kompaniyalari bilan imzolangan bitimlar doirasida qo‘lga kiritadigan vaksinalardan foydalanadi.

“Biz imkoni boricha ko‘proq odam xavfsiz va samarali vaksinaga ega bo‘lishini istaymiz. Shu sababli ham vaksinatsiya bepul bo‘ladi”, — deydi Norvegiya hukumati rahbari Erna Sulberg.

Shuningdek, ta’kidlanishicha, Yevropa Ittifoqi a’zosi va Norgeviyaga qo‘shni bo‘lgan Shvetsiya keragidan ortiq vaksina sotib olib, ortiqchasini keyinroq Norvegiyaga sotadi.

“Bugungi kunda Yevropa Ittifoqi vaksina ishlab chiqaruvchi uchta turli kompaniya bilan bitim imzoladi va yana boshqa ishlab chiqaruvchilar bilan muzokaralar olib bormoqda. Norvegiya Shvetsiyaning qayta sotish to‘g‘risidagi bitimi orqali ushbu shartnomalar doirasiga kiradi”, — deyiladi mamlakat hukumati xabarida.

So‘nggi ma’lumotlarga ko‘ra, Norvegiyada koronavirus bilan kasallanganlar soni 15 793 kishiga yetgan. Hozirga qadar 12 mingdan ortiq bemor sog‘aygan, 277 kishi vafot etgan.

Avvalroq Amerikaning Moderna kompaniyasiga tegishli koronavirus vaksinasining dozasi 25-30 dollar atrofida bo‘lishi haqida xabar berilgandi. Emlash kursi esa 50-60 dollarga baholangan. AQSh aholisi uchun vaksina bepul bo‘ladi — dori vositasini davlat sotib oladi.

Moderna raqiblarida esa vaksina narxi bundan ham arzon: Amerikaning Pfizer va Germaniyaning BioNTtech kompaniyalari AQShga 100 million doza vaksinani 19,5 dollardan sotishni rejalashtirmoqda. Britaniya—Shvetsiyaning AstraZeneca  kompaniyasi esa vaksina dozasini 3-4 dollardan yetkazib berish niyatida.

Eslatib o‘tamiz, Rossiyaning Gamaleya instituti tomonidan yaratilgan va “Sputnik V” deb nom olgan koronavirusga qarshi ikki komponentli vaksina 11-avgust kuni vaqtinchalik ro‘yxatdan o‘tish guvohnomasini oldi. Vaksina to‘liq samaradorlik tadqiqotini o‘tkazish sharti bilan ro‘yxatdan o‘tkazilgan va guvohnoma 2021-yil 1-yanvarga qadar amal qiladi.

Ushbu vaksina sinovining 3-bosqichi 2022-yil oxirlariga borib yakunlanishi ma’lum qilingan. 3-bosqichda ishtirok etadigan o‘n minglab ko‘ngillilar barcha zarur muolajalarni ambulatoriya sharoitida o‘taydi.

Izoh
Asosiy yangiliklar
Sport
Fransiyaning bir nechta shaharlari JCH—2022 ga boykot e’lon qildi
Dunyo
Lukashenko: “Biz Ukrainadagi maxsus operatsiyada qatnashyapmiz, lekin hech kimni o‘ldirmayapmiz”
Mahalliy
O‘zbekistonda dollarning rasmiy kursi ko‘tarildi