Bugun,

  • USD 11014.01
  • RUB 191.8
  • EUR 10674.78

Eron terma jamoasi bosh murabbiyi Dragan Skochich O‘zbekistonga qarshi kechgan o‘rtoqlik o‘yinidan (2:1) keyin o‘z fikrlari bilan o‘rtoqlashdi.

Foto: O‘FA

Foto: O‘FA
Birinchi navbatda har ikki mamlakat futbol federatsiyalariga hozirgi qiyin vaziyatda ushbu o‘yinni tashkil etib bergani uchun rahmat aytaman. Bu o‘yinga futbolchilarni yig‘ish oson bo‘lmadi. Albatta, mahalliy o‘yinchilar bilan bu borada muammo bo‘lgani yo‘q, ammo Yevropadan bir amallab yetib kelgan futbolchilarga ham rahmat aytmoqchiman.

Bizda ushbu uchrashuvga tayyorgarlik ko‘rish uchun juda qisqa vaqt bo‘ldi: jamoa bilan atigi ikki bor uchrashib bitta mashg‘ulot o‘tkazdim. Birinchi bo‘limda ikki xil taktikada o‘ynashimizga to‘g‘ri keldi, kuchli va kuchsiz tomonlarimizni ko‘rib oldik. Ikkinchi bo‘limda o‘yinimizni o‘zgartirdik, 6 nafar futbolchi zaxiradan maydonga tushdi. Men yigitlardan chiroyli o‘yin kutgandim va shunday bo‘ldi ham. G‘alabadan xursandman. O‘zbekiston terma jamoasi ham yaxshi o‘yin ko‘rsatdi, bizga ko‘p bosim o‘tkazdi.

Avvalo shuni aytishim kerak, biz himoyaviy o‘yin ko‘rsatmadik. Jamoam imkon qadar hujum uyushtirdi. Bir nechta vaziyatlarni yuzaga keltirdik. Shuningdek, raqib ham yaxshi o‘ynaganini aytib o‘tishim kerak. Lekin o‘yinimizni himoyaviy deya olmayman. E’tibor bering, 4-1-4-1 taktikasi bo‘yicha harakat qildik, bu hujumkor uslub degani. Qanotlardan ham ko‘p hujum uyushtirdik. Men odatda jamoam gol urishi uchun qulay taktikani belgilayman. O‘rtoqlik o‘yinlarida shuni sinab ko‘rmasangiz, yana qachon sinaysiz? Rasmiy o‘yinlarda 4-2-3-1 taktikasini ma’qul ko‘raman.

Bir necha kun oldin Shomurodov Italiya klubiga o‘tganini bilaman. Uning o‘yini menda yaxshi taassurot qoldirdi. Sardor Azmun ham Yevropaning eng kuchli klublaridan biri — “Zenit”da o‘ynayapti. Har ikkalasi yaxshi hujumchi.

Dragan Skochich, Eron terma jamoasi bosh murabbiyi

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!

Izoh
Asosiy yangiliklar
Mahalliy
Audiosi tarqalgan Oqqo‘rg‘on tumani IIB sobiq xodimi ushlandi
Mahalliy
Yunusobod tumani hokimligi sobiq mansabdori fuqaroni 30 ming dollarga chuv tushirdi
Mahalliy
O‘zbekistonda kelayotgan hafta boshida qanday ob-havo kutilmoqda?