Shveysariyaning Jeneva shahri eng kam ish haqining yangi miqdorini belgiladi, deb xabar bermoqda Spot. Endi uning miqdori bir soatlik ish uchun 25 dollarni, 41 soatlik ish haftasida esa 4,1 ming dollarni tashkil etadi.
Foto: iStock
2011 va 2014-yillarda Jeneva aholisi bazaviy hisoblash miqdori (mehnatga to‘lanadigan haqning davlat tomonidan rasmiy belgilangan eng kam miqdori) oshirilishiga qarshi bo‘lib kelgan. Ammo minglab odamlar ovqat uchun navbatda turgan paytda pandemiya qashshoqlik muammosini yuzaga chiqardi, Shveysariya aholisining muayyan qismi dunyoda eng qimmat shaharlardan biri hisoblanuvchi Jenevada yashay olmasligini ko‘rsatdi.
Shu sababli 2020-yilda Jeneva aholisining uchdan ikki qismi eng kam oylik ish haqi 4100 dollar etib belgilanishini yoqlab chiqdi.
CNBC’ning yozishicha, o‘zgarishlar oktabr oyidayoq kuchga kirishi kutilmoqda. Natijada ushbu eng kam ish haqi dunyo bo‘yicha eng yuqorisi bo‘ladi. Uning miqdori AQShnikidan uch baravar, Buyuk Britaniyanikidan esa ikki baravar ko‘p.
