Футбол бўйича Осиё Чемпионлар Лигасининг чорак финалида «Пахтакор» 30 сентябрь, чоршанба куни «Персеполис»га қарши баҳс олиб борди.
Учрашув тенг курашлар остида бошланди, бироқ 17-дақиқада «Пахтакор» футболчилари камчилик бўлиб қолди: Жалолиддин Машарипов рақиб футболчисига нисбатан қўполлик ишлатди, ҳакам видеотакрорлардан кейин қизил карточка кўрсатди.
Шундан кейин ташаббус форслар томонига ўтди, бироқ танаффусга қадар «шерлар» рақибга қарши тенгма тенг кураш олиб борди. Иккинчи бўлим «Персеполис»нинг устунлигида бошланди.
49-дақиқада Иса Алкасир номинал мезбонларни ҳисобда олдинга олиб чиқди. 66-дақиқада Эрон клуби тўпурари дублни расмийлаштирди.
Шу тариқа «Персеполис» Чемпионлар Лигаси ярим финалига йўл олди ва у ерда «Ан-Насср»га қарши баҳс олиб боради.
ОЧЛ
Чорак финал баҳси
30 сентябрь, чоршанба
«Персеполис» Эрон — «Пахтакор» Ўзбекистон 2:0
Голлар: 1:0 – 49 Алкасир, 2:0 – 66 Алкасир.«Персеполис»: Ҳамед Лак, Шожае Халилзода, Башар Ресан (Омид Алишаҳ, 67), Ҳуссайин Канани, Аҳмад Нуруллоҳи (Милад Сарлак, 76), Камаледдин Камябиниа, Эҳсон Паҳлавон (Меҳди Шири, 76), Воҳид Амири, Иса Алкасир (Меҳди Абди, 88), Саид Оғайи, Сиамак Неъмати.
«Пахтакор»: Элдор Суюнов, Ҳожиакбар Алижонов (Аброр Исмоилов, 90+2), Анзур Исмоилов, Жалолиддин Машарипов, Драган Черан, Егор Кримец (Шерзод Азамов, 90+2), Достонбек Ҳамдамов (Ҳожимат Эркинов, 73), Одил Ҳамробеков, Сардор Собирхўжаев, Фарруҳ Сайфиев (Акром Комилов, 73), Эрен Дердийок (Игор Сергеев, 73).
Четлатиш: Машарипов (17).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)