Uzbekistan Airways aviakompaniyasi 2020-yil 1-oktabrdan boshlab Toshkent va Turkiyaning Istanbul shahri o‘rtasidagi parvozlar sonini ko'paytiradi. Bu haqda kompaniya tomonidan ma’lum qilindi.
Kompaniya xabariga ko‘ra, 1-oktabrdan boshlab Toshkent—Istanbul—Toshkent yo‘nalishida kuniga ikkita parvoz amalga oshiriladi.
Toshkent—Istanbul yo‘nalishidagi HY 271 reysi soat 12:30 da Toshkentdan parvoz qilib, Istanbulga mahalliy vaqt bilan soat 11:00 da yetib boradi. Istanbuldan HY 272 reysi bilan soat 12:30 da havoga ko‘tariladigan samolyot Toshkentga soat 19:00 da qo‘nadi.
Toshkent—Istanbul yo‘nalishidagi HY 273 reysi soat 17:00 da parvozni boshlab, Istanbulga soat 20:20 da yetib boradi. Istanbul—Toshkent yo‘nalishidagi HY 274 reysi Turkiyadan 21:45 da uchib, ertasi kuni soat 04:15 da Toshkent yetib keladi.
Mazkur qatnovlarga aviachiptalarni aviakompaniya veb-saytidan, uning mobil ilovasi orqali, shuningdek, Uzbekistan Airways’ning eng yaqin sotuv ofislaridan yoki O'zbekistondagi aviakompaniya tashuvlarini sotish agentliklaridan sotib olish mumkin.
Avvalroq Uzbekistan Airways 1-oktabrdan Toshkent va Bishkek o‘rtasidagi parvozlar sonini ko‘paytirishini ma’lum qilgandi. Eslatib o‘tamiz, O‘zbekiston 1-oktabrdan boshlab barcha xalqaro avia, temiryo‘l va avtoyo‘l qatnovlarini tiklaydi.
Izoh (0)