O‘zbekistonda 8 oy ichida qaysi viloyatda eng ko‘p nikoh qayd etilgani ma’lum qilindi

2020-yilning 8 oyida O‘zbekiston bo‘yicha eng ko‘p nikoh Farg‘ona viloyatida qayd etilgan, deya xabar bermoqda Davlat statistika qo‘mitasi.

Ma’lum qilinishicha, 2020-yilning 8 oyida respublika bo‘yicha 138 646 ta nikoh holatlari FHDYo organlarida qayd etilgan. Bu ko‘rsatkich o‘tgan yilning mos davri bilan solishtirilganda 22 973 taga kam.

FHDYo organlarida 2020-yilning 8 oyida qayd etilgan nikohlar soni bo‘yicha Farg‘ona – 15 611 ta, Samarqand – 14 282 ta, Qashqadaryo – 14 261 ta, Andijon – 13 029 ta va 13 011 ta bilan Toshkent viloyatlari yuqori o‘rinni egallagan.

Respublika bo‘yicha 8 oyda eng kam nikoh holatlari Navoiy (4320 ta) viloyatida qayd etilgan.