Osiyo Chempionlar Ligasi 4-turida “Paxtakor” 17-sentabr, payshanba kuni “Al-Hilol”ga qarshi bahs yuritdi.
Uchrashuv birinchi bo‘limining dastlabki qismi saudiyaliklar nazorati ostida o‘tdi. Bo‘limning ikkinchi qismida “sherlar” vaziyatni o‘nglashga erishdi. Biroq tanaffusga qadar hisob o‘zgarmadi.
Ikkinchi bo‘limda uchrashuv o‘rtacha tempda o‘tdi. “Al-Hilol”da bir qator vaziyatlar yuzaga keldi, toshkentliklar esa birinchi bo‘limda bo‘lgani kabi raqib darvozasi oldida birorta xavfli vaziyat yarata olmadi. Nursiz hisob o‘yin yakuniga qadar saqlanib qoldi.
Guruhning ikkinchi o‘yinida “Shabob al-Ahli” Peres Kondening yagona goli evaziga “Shahr Xodro”ni taslim etdi. Mazkur o‘yinni asosiy tarkibda boshlagan Aziz G‘aniyev 46-daqiqada zaxiraga olindi.
Shu tariqa 4-turdan keyin “Al-Hilol” 10 ochko bilan peshqadam bo‘lib turibdi. “Paxtakor” esa 7 ochko bilan ikkinchi pog‘onadan joy olgan. “Shabob al-Ahli” (6) uchinchi o‘ringa joylashgan bo‘lsa, “Shahr Xodro” birorta ham ochko to‘play olmay, so‘nggi pog‘onada bormoqda.
OChL
4-tur bahslari
17-sentabr, payshanba
“Paxtakor” O‘zbekiston — “Al-Hilol” Saudiya Arabistoni 0:0
“Paxtakor”: Sanjar Quvvatov, Hojiakbar Alijonov, Anzur Ismoilov, Yegor Krimets, Farruh Sayfiyev (Akrom Komilov, 77), Odiljon Hamrobekov, Abrorbek Ismoilov, Sardor Sobirxo‘jayev, Dostonbek Hamdamov (Javohir Sidiqov, 67), Jaloliddin Masharipov, Eren Derdiyok (Igor Sergeyev, 67).“Al-Hilol”: Abdulloh al-Muayuf, Ali al-Bulayhi, Sebastyan Jovinko, Nossir al-Dovsari, Bafetimbi Gomis, Andre Karrilyo, Chan Hyun Su, Amir Kurdi, Muhammad Kanno, Salim al-Dovsari (Hattan Bahberi, 89), Muhammad Jahfali.
Ogohlantirishlar: Ismoilov (45), Kanno (66).
“Shahr Xodro” Eron — “Shabob al-Ahli” BAA 0:1
Gol: 0:1 – 83 Konde.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)