“Marsel” futbol bo‘yicha Fransiya chempionatining 3-turida PSJni mag‘lubiyatga uchratdi (1:0).
Bu “Marsel” uchun parijliklar ustidan qozonilgan 2011-yildan keyingi ilk g‘alaba bo‘ldi.
So‘nggi 20 o‘yinda PSJ marselliklarni 17 marta mag‘lubiyatga uchratib, uch bor durang qayd etgandi. Qayd etish joiz, o‘yin o‘ta asabiy ruhda o‘tdi. O‘yin so‘ngida yuzaga kelgan janjal oqibatida uchrashuv hakami Jerom Brizar 5 futbolchiga qizil kartochka ko‘rsatdi. Uchrashuvda futbolchilar jami 17 ta kartochka bilan siylandi.
Andre-Villash Boash qo‘l ostidagi “Marsel” mavsumni ketma-ket ikkita g‘alaba bilan boshladi. PSJ esa hali birorta ham ochko to‘play olmadi.
Mavzuga doir: PSJ Fransiya chempionatida 42 yillik antirekordini takrorladi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)